BYE BYE UMEME…
Written by Musinguzi Benard on March 31, 2025
Kampuni yamasanyalaze eya Umeme ewaddeyo obuvunaanyibwa obwali bwagyiweebwa obw’okuddukanya eby’amasannyalaze mu Uganda, kati bukwasiddwa ekitongole kya gavumenti ekya “Uganda Electricity Distribution Company Ltd”
Obuvunaanyizibwa buno UMEME bwajikwasibwa nga 01 February,2005, era abantu emitwalo 250,000 bebaali bakozesa amasannyalaze mukiseera ekyo, wabula oluvanyuma lwemyaka 20 egy’ekulungudde abantu obukadde bubiri n’emitwalo 20, bebayundiddwa era bebakozesa amasannyalaze mu Uganda.
Ssentebe w’olukiiko olufuzi olwa Umeme Patrick Bitature agambye nti Umeme ekoze bulungi , omulimo gwayo era mubuweereza buno bafubye okuwa bannayuganda emirimo naddala abavubuka, ate nebongera okubangulwa munsonga z’amasanyalaze.
Patrick agambye nti kubakozi baabwe ababadde bakola ne UMEME, ebitundu 80% ku bakozi abo basunsudwa okwegatta ku kitongole kya Uganda Electricity Distribution Company Ltd (UEDCL) ekigenda okudukanya amasanyalaze.
Ssenkulu wa UEDCL Paul Mwesigwa agambye nti betegefu okukola omulimu omulungi nga bakozesa obukugu obwenjawulo, era abakozi abasoba mu 2900 bebasunsuddwa okuweebwa emirimo.
Bya Kagogwe Peterson (News Anchor/Editor)
