UMEME EGENZE EKUKULUMA NTI GAVUMENTI EGYIRYAZAMANYIZA NYO – EGAMBA SSENTE BAGYIWADDE NTONO
Written by Musinguzi Benard on March 31, 2025
Abakulira Kampuni ya Umeme bawakanyizza omutemwa gw’ensismbi gavumenti gweyabawadde okusobola okusigaza ebyuma byabwe, oluvanyuma lwa Kontulakita okugwako newankubadde bakirizza okutwala ensimbi enzo.
Umeme yali yasaba government obukadde bwa ddoola za America 234, muza Uganda bwe buwumbi 856 wabula nga gavumenti yategeka obuwumbi 700 okubuwa kampuni ya Umeme.
Byabadde bikyali awo, Ssaababalirizi w’ebitabo bya government Edward Akol n’afulumya alipoota ku kubalirira kweyakoze nalaga nti ebint bya UMEME byegenda okulekera gavument bibalirirwamu obuwumbi 432, kyokka alipoota eno yagenze okujja, nga palamenti yamaze okukkiriza gavumenti okwewola obuwumbi 700, buweebwe UMEME.
Oluvannyuma lwa alipoota eno, government ng’eyita mu minister w’amasanyalaze Canon Ruth Nankabirwa yategeeza nti government erina kusasula ensimbi obuwumbi 432 eri Umeme ng’omubalirizi w’ebitabo bya government bweyakilambise.
Obukadde bwa ddoola 118 kigambibwa nti zamaze okuweebwa aba kampuni ya UMEME, wabula mu kiwandiiko kyebafulumiza, Umeme egamba nti government yagikase okukiriza ensimbi zino, wamu n’okuwaayo obuvunanyizibwa buno.
Wabula singa UMEME neyekubira enduulu mumbuga z’amateeka, okusinziira ku ndagaano ey’emyaka 20 government ya Uganda gyeyakola ne Umeme, singa enjuyi zombiriri ziremererwa okukkaanya, emisango barina kugyiwoleza Bungereza mu kkooti ze London ssi wano mu Uganda.
Bya Peterson Kagogwe (News Editor/Anchor)
